Monday, 28 December 2009

Ya Hussaina!!

Assalam
Here are some of my most favourite lines from the Shahadat Naama....
(many Muslims are opposed to the Shahadat Naama.... so plz think before you quote this somewhere else.)
and also some other couplets on the Imaam A.S.






..
Bole Hassan ki rang mujhe sabz chahiye.
.Nana humaare jode ko dhaani rangaiye...
Mehboob-e-kibriya ne jo puchha Hussain ko
Haskar kaha ki joda humara toh surrkh ho  ...                        



Sar rakh ke maa ki kadmo pe
Abbas ne ye kaha
Hum Aashiq-e-Ilaah hai, marne ka khauff kya?
Sar ko katana kaam humara hai ammajaan...
Ghar ko lutana kaam humara hai ammajaan...
Khud ko bigadna kaam humara hai amaajaan...
Ummat chhudana kaam humara hai ammajaan...




Rukhsat ho sabse Shah chale rann ko jis ghadi,
Daaman pakadke baali Sakeenah machal gayee.
Baatein thi bholi bhali, baras 4 ka tha sin,
Godi mei khelti thi Shah-e-deen ke raat din.
Boli piddar se mai tumhe jaane na dungi ab
Aur aise pyaare sar ko katane na dungi ab.
Marne mei kya mazaa hai jo jaate ho babajaan?
Mujhko yateem bolengi sheerab ki ladkiyaan.
Behnoi, bhai aur chachajaan mar gaye,
Tujhko khushi hai marne ki batao kisliye?
Godi mei le Sakeenah ko farmaye dil faqar
“Ummat gunehgaar Nabi ki hai beshumaar,
Jab tum yateem hogi, katega humara sar...
Toh yeh saare bakhshe jayenge bekhauf-o-bekhatar”
Ummat ka naam sunke Sakeenah yeh keh uthi
Mujhko bhi tumse pyaari hai Ummat Rasool ki.
Isme agar riza Nabi ki hai toh sar ko kataiye..
Baba khushi se kehti hu ki ab rann ko jaiye.




Taqbeer mei Hussain ka kaata laeen ne sar
’Subhana rabbiul aalaa’ tha Shabbir ki zubaan par
Andhera tha, zameen pe qayamat hui bapaa.
Hoor-o-Malaik pukarte the, ’wa Muhammada.. wa Muhammada’
Ahle Haram ke rone ka kya majra likhu...
Taqat zubaan me na rahee, aah! Kya karu?
Mehshar ke roz usko bas aaram-o-chain hai..
Ab dastagheer jiska waseela Hussain hain..
Jab sidq dil se doston yeh daastaan suno…
Tab Ahle Nabi ke naam par Fatiha padho…


*****************************************************


..Hakim ka hukum aisa hai
Paani basher piye
Ghode piye, sawaar piye, Shutur piye..
Jo tashnalab jahaan mei hai, sab aam kar piye.
Haivaan piye, parind piye, Jaanwar piye.
Kaafir talak piye, Toh tum manaa na kijiyo…
Ek Faathima ke Laal ko Paani na dijiyo.......


***************************************************




Naam-e-Hussain Hashr tak aabaad rahega, Barnaad tha Yazid, woh barbaad rahega, Hussain tere khoon ke har ek katre se, gulshan mere imaan ka aabaad rahega. . .




************************************************************


Shah ast Hussain, Badshah ast Hussain,
Deen ast Hussain, Deen e Panah ast Hussain,
Sar dad, na dad dast, dar dast-e-yazeed,
Haqaa key binaey La ila ast Hussain"


"Ruler is Hussain, Emperor is Hussain,
Religion is Hussain, Sheild of religion (Islam )
is Hussain, Gave his head but not his hand to Yazid,
Maintainer of the truth is no one but Hussain"


----Bade Peer

****************************************************************


Doston Karbala Ki Wo Kahaani Na Bhoolo,..
Naujawaan-e- Islaam Ki Mardaani Na Bhoolo,.
Lehraaya Jhanda Islaam Ka Mohammed{SWAS} Ke Ladlo Ne,.
Bhoole Se Bhi, In Shaheedon Ki Khurbaani Na Bhoolo,.
Pyaase The, Ghayal The Teeron Se,... See More
Phir Bhi Hausla Buland Tha,.
Hazaaron Ke Beech Akele Ne Fateh Jo Paayi Thi,.
Takhat Wo Tum Imaani Na Bhoolo,


*****************************************************************


Royen Wo jo munkar hain shahadat e HUSSAIN k.. ..
HUM zinda o Javed ka matam nahi kartay. . .
ALLAMA IQBAL


***********************************************




Mazloom hi Mazloom ko rote hain jahan mei,
zalim kabhi Mazloom ka Matam nahi karte.
Apna koi Marr jay tu rote hain Tadap kar,
Par aale Nabi (S.A.W) ka Gham nahi karte.
Himmat hai to Mahshar main yeh kehna Paighambar say,...
Ke hum Eid to karte the Par Muharram nahi karte.
(ALLAMA IQBAL.)


**************************************************


"Hussain(a.s) Ban k Zamane pe chaa gayi ZAINAB(A.s)
Zuban-e-teg se Kufa Hila gayi ZAINAB(A.s)
Qasam Khuda ki ye Ehsan-e-BINTE-e-Zehra(a.s)hy humain
Hussain(a.s) Ka Matam Sikha Gayi ZAINAB(A.s)"
*****************************************************




Wo jisne apne NaNa ka wada wafa kia,Ghar ka ghar supardeKHUDA kia .Nosh kar lia jisne shahadat ka jaam, Us Husain Ibne-Ali par laakhon salam


********************************************************


Khoon Se Charagh-e-deen jalaya Hussain ne,,
Rasm-e-Wafa ko khoob nibhaya Hussain ne..
Khud ko to ek boond bhi Pani na mil saka,,
Karb-O-Bala Ko khoon pilaya Hussain ne..
Aesi Namaz kaon parhega Jahan men?
Sajda kiya to Sar Na uthaya Hussain ne.!
Sab kuch Khuda ki raah men Qurban kar diya,
Asghar sa phool bhi na bachaya Hussain ne..


**************************************************
Yun Hi Nahi Jahan Main
Charcha HUSSAIN Ka


Kuch Dekh K Hua Tha
Zamana HUSSAIN Ka


Sar De k Do Jahan Ki
Hukumat Khareed Li


Mehanga Para yazeed Ko
Sauda HUSSAIN Ka …


**************************************************


laaillah to parh liya ab le maza taaseer ka
laailah ki teh k nechay khon hai shabbir ka
laailah k parhne walo lailah se puch lo
laailah to bach gaya ghr lut gaya shabbir ka


******************************************************


Jab bhi kabhi Zameer ka sauda ho doston,
Qayam raho HUSSAIN ke inqaar ki tarha. .


****************************************************




and now my favourite one


"AALA HAI QUL JAHAN SE GHARANA HUSSAIN(A.S) KA
NABIYON KA TAJDAR HE NANA HUSSAIN (A.S) KA
BUS KUCH HI PAL KI THI YE HAKUMAT YAZID KI
SADIYAN HUSSAIN (A.S) KI HAIN ZAMANA HUSSAIN(A.S) KA"


*****************************************
These are Imaam's prayers in the battlefield
on 10th when Imaam A.S saw the army of Yazeed...
"O Allah! It is Thee in whom I trust amid all grief. You are my hope amid all violence. Thou are my refuge and provision in everything that happens to me. How many grievances weaken the heart, leaving me with no means to handle them, during which friend deserts me, and enemy rejoices in it. I lay it before Thee and complain of it to Thee, because of my desire in Thee, Thee alone. You relieve me of it and remove it from me. Thou are the Master of all Grace, the Essence of Goodness, and the Ultimate Resort of all Desire."



and

at the martyrdom of Ali Asghar...
"O' Allah, O' my Lord! My consolation is the fact that Thou in Thine Majesty are witnessing what I am going through."




Salaam mere Nabi....S.A.W
Salaam mere Hussain.......A.S



Allah hafiz

1 comment:

[D]esert [E]agle said...

Allama Iqbal kay asal ashaar ye hain:
Apna koi marta hey tou rotay ho tarap ker
Per Sibt-e-Payamber ka kabhi gham nahi kertay
Himmat hey tou mehshar mein Payamber se ye kehna
Hum zinda-o-javed ka matam nahi kertay
Aansu na bahao kay ye zaib hey tum ko
Qatil kabhi maqtool ka matam nahi kertay

Now reading ... "The Witch of Portobello" by 'Paulo Coelho'.

Sociable

..

..
Educate The Muslimah !!!!

..

..
Pay Your Zakaat To The Deserving!!!

Shorten Url

..

..
Speak Out !!!

About Me

My Photo
Port Blair, Andamans, India
I am exactly as you think I am!

Don't You Copy Wat I Write !!!

MyFreeCopyright.com Registered & Protected

License..

Creative Commons License
This work is licenced under a Creative Commons Licence.