Friday, 11 March 2011

Tafarqe


“Madam is laal shalwar kameez ke 3200 rupay hain aur us kale waale ke 3500- sirf 300 rupay ka farq hai lekin agar aap kapde ko chhukar dekhengi toh ehsaas hoga ki yeh kaala kapda kitna behtar hai, kitna mulayam hai. Lijiye… dekhiye toh zaraa…”
Fayrouza ne dono kapdo ko chhua… apni gaalo se lagaya aur aankhein band kar us malmali ehsaas mein kho gayi—Pata nahi log aisa kyu karte hai. Shayad aankhein band karne se ehsaas ki kuwat badh jaati hai----…
Aankhein khuli, toh uske lab gunguna uthe---
“Jee bilkul, yeh kale rang ki shalwar kameez hi lungi main.”
“Bohot ache madam…aapke pasand ki daad deta hoon… behtareen cheez chuni hai aapne.”
Muskurahat liye, usne apna purse khola…aur 7 kadak 500 rupay ke patte nikalkar cash counter par baithe dukandar ki haathon mei de diya aur sheher ke sabse mashhoor aur mehenge dukaan se apna naya shalwar kameez ka joda le liya.
Khushi- khushi jab who dukaan ke AC ki thandak se baahar nikli toh achanak use dhoop aur garmi ki thappad lagi.
Jhallati hui who wahaan se chali aur paas mei hi apna jhhola bichhaye baithe mochi ke paas gayi. Uske naye joote toot gaye the- unhe banana tha.
“Dekho bhaiya keemti joote hain, theek se sil dena”
“Jee memsaab. Bilkul naye jaisa kar dunga”, mochi ne dhoop mein aankhein meechte hue kaha.
“Kab tak mil jayenge waapas?”
“Bass ek-do ghante mei mil jayenge.”
“EK-DO GHANTE??? Itna waqt kyu bhai?? Bas thodi si marammat hi toh karni hai.. kaun sa poora joota naya silwane ko kaha hai??”
“Jee memsaab… lekin insaan hi hu… bhukh toh lagegi na… subeh bhi nahi khaya tha…isliyee..”
“Dekho bhai… who sab baad ki baat hai. Aadhe ghante mein aaungi- tayyar rakhna… itni dhoop mein intezaar nahi hoga mujhse”
“Jee memsaab. Achhi baat”
“Kitne lagenge?”
“jee 40 rupay”….mochi ne kuchh der sochkar kaha.
“40 RUPAY?? Kya baat kar rahe ho bhai?? 40 rupay ka toh kaam nahi hai yeh.”
“Memsaab …thoda mushkil kaam hai aur aap waqt bhi nahi de rahi hai.”
“Bahaane mat banao bhaiya… Itni samajh toh mujhko bhi hai ki kya mushkil hai kya nahi….4o rupay bohot zyada hai.. kuchh kam karo.”
“Memsaab .. ghareeb hu.. yahi toh kamaai hai meri….”
“Dekho kam karke bolo”.
Jhuki aankhon ko aur jhukakar mocha ne kaha- “Chaliye 35 rupay de dijiyega.”
“25 rupay se 1 paisa zyada nahi dungi.”
Aur 3500 rupay ki shalwar kameez ka packet thhame, Fayrouza apne ghar ko chal di.

~Almas Shamim







3 comments:

shshshsh said...

Been reading couple of your posts....they r really nice....keep it up and good luck...i love the poems too...they give an expression of the feeling right frm the heart....

shshshsh said...

been readin some of your posts...they are really good...keep it up and good luck...the poems too r really good....the feeling flow with deep conviction....

JaLpArI - tHe MeRmAiD said...

thank you so much :) extremely glad that you liked the posts :) do drop by again. Have a good Day. Tatas :)

Now reading ... "The Witch of Portobello" by 'Paulo Coelho'.

Sociable

..

..
Educate The Muslimah !!!!

..

..
Pay Your Zakaat To The Deserving!!!

Shorten Url

..

..
Speak Out !!!

About Me

My Photo
Port Blair, Andamans, India
I am exactly as you think I am!

Don't You Copy Wat I Write !!!

MyFreeCopyright.com Registered & Protected

License..

Creative Commons License
This work is licenced under a Creative Commons Licence.