Tuesday, 9 June 2015

Zindagi


 

Zindagi mei humlog jis kisi se bhi milte hai, wo kucch sikha jata hai. Har koi kisi wajah se aata hai. Reason koi bohot bada nahi hota hai har baar. Reason could be simply ki aap bus stand mei akele bore ho jaate.. toh aapka boriyat duur karne ko koi mil gaya.

Koi khush kar deta hai, koi dukha deta hai… koi sata deta hai. Lekin har ehsaas ke peeche koi wajah hai…. Kuchh hai jo aapko usse seekhna hai.. jis wajah se ye aapke zindagi mei ho raha hai. Aisa mera manna hai. Baaki log differ kar sakte hai isme. Sab ek jaise honge toh bada hi bakwaas aur dull sa hoga life. Khair. 

Yeh jo log bura behave karte hai kisi  ke sath, they are not necessarily bad people. Well, they are not necessarily good either. Ho sakta hai ki bura behaviour hi fitrat ho unka, lekin yeh nahi bol sakte ki aapke sath bure se behave kiya toh log bure hai. Haan, agar tamaam duniya ke sath bure hai, toh fir shak to karenge hi aise log pe. Lekin, otherwise, I mean, in general…log bure nahi hote. Bas us waqt, us jagah, us situation mei … jama nahi kuchh.

Khair. Ek bohot purana baat yaad aaya- 2007 ka. Hum 2nd-3rd year mei the. Alleppey mei. Actually ek gaana dekhte hue aaj sham ko, ye baat yaad aaya. Ek film release hua thha 2007 mei. Jhoom barabar Jhoom. Woh jo bure tareeke se pit gaya box office mei. Sahi mast gaane hai picture mei. Woh laga tha theatre mei, Alleppey mei. Chhota sa sheher hai Alleppey. Hindi nahi hai zyada waha pe. Hindi picture lagna bada baat hai. Aur mere Hindi seniors se bhi baat cheet band thha. Toh mere do dost the batch ke hi jinke sath I planned to go picture dekhne. 90th Batch . Lol! Khair. Toh ye do mere sabse kareeb ke dost the. Dono hostel mei the toh dono ke apne room mates the, apna group thha. I used to stay out, toh mera group nahi thha koi. Bas yahi do jana the. Koi ghumne firne wale log nahi the. Woh us type ke the… ki aadhe din ka bhi chhutti ho agar.. toh bhi ghar chale jaaye. Ab mera ghar hi itna duur hai, kya kare?

To humlog teeno soche ki agle din picture dekhne jayenge. Saturday thha. Skin posting thha humlog ka. Skin hi thha shayad. Ki Ortho? Pata nai. Skin thha shayad. To waise bhi bohot kam log ja rahe the clinics. Hum log teen jan mei, mera attendance barabar rehta thha, hum padhti wadhti nahi thhi kucch, ek wali- attendance bhi baraabar, padhne mei bhi thop, aur dusri wali attendance thhenga… bilkul nahi jati clinics wlnics… top karti lekin. Khair. Hum log soche ki cut marenge aur subeh ka show dekhenge. 11 ki sadhe 11 ka show hoga town mei. To usse pehle wala raat, yani jumma ka raat ko I stayed in the hostel. Usme se ek friend ke room mei hi. Uske roomies ghar ja chuke the. Mera toh ghar hi itna duur hai. Kya kare? 

Subeh mera neend khula kuchh awaaz se… sir utha ke dekha toh wo jo friend thhi samaan pack  kar rahi thhi. Toh I asked ki are you going? Toh boli ki haan. Who kal badan dard ho raha thha na… to mere ko lagta hai ki chikengunya ho gaya hai… toh I am going. English mei boli ofcourse. Woh to aise hi I am Hindi mei writing. Toh I was like haan bhai ho sakta hai… bol to rahi thi kal ki dard ho ra hai. Koi baat nai dusri friend toh hai… uske sath chale jayenge picture.

And I went back to sleep.

Fir kareeb ek ghante baad uthe. Agar picture jana thha toh uthna toh thha. Tayyar wayyar hoke us dusre friend ke room gaye. Tab tak usko bhi tayyar ho jana chaiye thha. At least uth toh jaana chaiye thha. Agar picture time se pohonchna thha toh. Toh yai expect karke I went ki uth gayi hogi ladki. Toh gaye toh wo thhi nai room mei. Uski roommate se then I asked ki falana kaha hai? Toh boli ki wo toh chali gayi? And I was like… achha ghar chali gayi? To wo boli haan chali hi gayi hogi.

Us waqt jo mere dil ko laga… bas mere dil ko pata hai. Baat chhota sa lagta hai… lekin aisa hai ki boond boond se ghat bharta hai.

Sann thi hum us din bilkul. Bohot takleef hua thha. Kyu itna laga dil pe? Ye jawaab ke liye to padhne wale ko waqt mei peechhe le jaake apna zindagi jiyana padega.

Apne zindagi ke sabse dard wale din mei se ek mante hai isko hum. Haan chhota baat lagta hai.

Agar awaaz se neend nahi khulta toh… jab uthte to room khaali hota, koi hota hi nahi bolne wala ki kaun gaya, kahaan gaya.

Yeh jo dusri dost hai, Ernakulam ki thhi. Mere ko laga ki ghar gayi hogi. Monday ko mili to boli ki ghar nahi gayi thi. Clinics gayi thhi.



Wohi dusri wali. Jo kabhi nahi jaati clinics.


 x~x~x


No comments:

Translate

Now reading ... "Crime and Punishment" by 'Fyodor Dostoyevsky'.

Sociable

..

..
Educate The Muslimah !!!!

..

..
Pay Your Zakaat To The Deserving!!!

Shorten Url

..

..
Speak Out !!!

About Me

My photo
Port Blair, Andamans, India
I am exactly as you think I am!

Don't You Copy Wat I Write !!!

MyFreeCopyright.com Registered & Protected

License..

Creative Commons License
This work is licenced under a Creative Commons Licence.